Հուզական բանականությունը անհրաժեշտ գործոն է աշխատանքային հարաբերություններում
Հուզական բանականության ի հայտ գալը ցուց տվեց, որ միջին IQ ունեցողները առաջ էին անցնում ավելի բարձր IQ ունեցողներից: Այս տարօրինակ մոտեցումը խախտեց այն գաղափարը, որ շատ մարդիկ կարծել են, թե հաջողության հասնելու միակ աղբյուրն ինտելեկտն է: Տասնամյակի հետազոտություններն այժմ ընդգծում են հուզական բանականությունը որպես էական գործոն, ինչը և գլխավոր դերակատարներին (star performers) դիտարկում է անջատ մնացած ամբողջից:
Հուզական բանականությունը «ինչ-որ բան Է» մեզանից յուրաքանչյուրում, որը նյութական չէ: Այն ազդում է մեր վարքի կառավարման, սոցիալական խնդիրների ուղղորդման, անհատական որոշումների կայացման վրա, որոնք բերում են դրական արդյունքների: Հուզական բանականությունը բաղկացած է 4 հիմնական հմտություններից, որոնք բաժանվում են 2 հիմնական կարողությունների՝ անձնականի և սոցիալականի:
|
Անձնական կարողություններ |
Ինչ եմ տեսնում | Ինչ եմ անում |
|
Ինքնա Գիտակցում կամ իրազեկում |
Ինքնա կառավարում |
|
| Սոցիալական
կարողություններ |
Սոցիալական
Գիտակցում կամ իրազեկում |
Հարաբերություն
ների կառավարում |
Անձնական կարողությունը կազմում է ձեր ինքնաիրազեկման կամ ինքնագիտակցման և ինքնակառավարման հմտությունները և կենտրոնացած է ավելի շատ ձեր անհատականության, քան այլ մարդկանց հետ փոխազդեցության վրա: Անձնական կարողությունները ձեր հույզերի մասին տեղեկացված լինելու, վարքի կառավարման և ձգտումների, միտումների կարողություններն են:
—Ինքնագիտակցումը կարողությունն է՝ կանոնակարգված կերպով ընկալելու ձեր հույզերը և տեղեկացված լինելն է, երբ դրանք «գործի են դրվում»:
—Ինքնակառավարումը կարողությունն է օգտագործելու հույզերի մասին տեղեկացվածությունը, մնալու հաստատակամ և դրականորեն ուղղելու ձեր վարքը:
Սոցիալական կարողությունը բաղկացած է ձեր սոցիալական գիտակցումից և հարաբերությունների կառավարման կարողությունից: Սոցիալական գիտակցումը քո կարողությունն է՝ հասկանալու այլ մարդկանց տրամադրությունը, վարքը և շարժառիթները՝ արդյունավետ արձագանքման և հարաբերությունների բարելավման համար:
—Սոցիալական գիտակցումը ձեր կարողությունն է ճշտորեն ընկալելու մարդկանց զգացմունքները և հասկանալու, թե ինչ է իրականում կատարվում:
-Հարաբերությունների կառավարումը ձեր կարողությունն է օգտագործելու ձեր և այլոց զգացմունքների գիտակցումը կամ դրանց վերաբերյալ տեղեկացվածությունը՝ փոխհարաբերությունները արդյունավետորեն կառավարելու համար:
Հուզական բանականությունը, ինտելեկտը և անհատականությունը տարբեր են
Հուզական բանականությունը բխում է մարդկային վարքի հիմնարար տարրից, որն անջատ է ձեր բանականությունից՝ ինտելեկտից: Դեռևս հայտնի չէ կապը ինտելեկտի և հուզական բանականության միջև: Դու պարզապես չես կարող որոշել անհատի հուզական բանականությունը ըստ նրա, թե որքան խելացի է տվյալ անձը: Բանականությունը ձեր սովորելու կարողությունն է և այն անփոփոխ է թե՛ 15 տարեկանում և թե՛ 50-ում: Հուզական բանականությունը, մյուս կողմից, հմտությունների ճկուն համախումբ է, որոնք կարող են ձեռք բերվել և զարգանալ ժամանակի, պրակտիկայի ընթացքում:
Չնայած որոշ մարդիկ ի սկզբանե ունեն բարձր հուզական բանականություն, քան մյուսները, բայց դուք կարող եք զարգացնել բարձր հուզական բանականություն, եթե անգամ չեք ծնվել այդպիսին:
Անհատականությունը կայուն «ձև» է, որը բնորոշ է յուրաքանչյուրիս: Այն մի շարք նախապատվությունների արդյունք է, որոնք միտված են դեպի ինտրովերցիան կամ էքստրովերցիան: Այնուամենայնիվ, ինչպես բանականությունը՝ ինտելեկտը, այնպես էլ անհատականությունը չի կարող օգտագործվել՝ որոշելու հուզական բանականությունը: Ինչպես նաև, բանականության պես, անհատականությունը նույնպես կայուն է ողջ կյանքի ընթացքում և չի փոփոխվում: Ինտելեկտը, հուզական բանականությունը և անհատականությունը կազմում են եզակի հիմք և օգնում են բացահայտելու մարդուն:
Հուզական բանականությունն է որոշում կատարողականը
Որքա՞ն է հուզական բանականության ազդեցությունը քո մասնագիտական հաջողության վրա: Կարճ պատասխանը սա է.«Շատ»: Այն հզոր ճանապարհ է գեներացնելու մեր էներգիան մեկ ուղղությամբ՝ առավելագույն արդյունքով: TalentSmart— ը փորձարկել է հուզական բանականությունը շուրջ 33 տարբեր, կարևոր աշխատանքային հմտությունների շրջանակներում և բացահայտել, որ հուզական բանականությունը կատարողականի ամենաուժեղ գրավականն է, բացատրելով հաջողությունների ողջ 58%-ը տարբեր տեսակի աշխատանքներում:
Քո հուզական բանականությունը մի շարք կարևոր հմտությունների հիմքն է, այն ազդում է գրեթե այն ամենի վրա, ինչ անում և ասում ենք օրվա ընթացքում:
Բոլոր այն մարդկանց, որոնց ուսումնասիրում ենք աշխատավայրում, պարզվում է, որ նրանցից բարձրաստիճան աշխատակիցների 90%-ը ունեն բարձր հուզական բանականություն, իսկ ցածրաստիճան աշխատակիցների միայն 20%-ն է, որոնք օժտված են բարձր հուզական բանականությամբ: Դու կարող ես լինել բարձր դերակատար առանց հուզական բանականության, բայց շանսերը շատ քիչ են:
Իրականում, բարձր հուզական բանականություն ունեցող մարդիկ ավելի շատ գումարներ են վաստակում՝ մեկ տարվա ընթացքում միջինը 29000 $-ով ավել, քան ցածր հուզական բանականություն ունեցող մարդիկ: Կապը հուզական բանականության և վաստակած գումարի չափի միջև այնքան ուղղակի է, որ հուզական բանականության բարձրացման յուրաքանչյուր տոկոս ավելացնում է տարեկան աշխատավարձը 1300 $-ով: Այս բացահայտումները ճիշտ են և համապատասխան տարբեր ոլորտների յուրաքանչյուր աշխատակցի համար՝ բոլոր մակարդակներում և աշխարհի բոլոր մասերում: Մենք դեռ չենք կարողանում գտնել մի աշխատանք, որի կատարողականը և վաստակի չափը կապված չլինեն հուզական բանականության հետ:
Դու կարող ես բարձրացնել քո հուզական բանականությունը
Ձեր հուզական և բանական «ուղեղների» միջև կապը հուզական բանականության ֆիզիկական աղբյուրն է: Հուզական բանականության կամուրջը սկսվում է ուղեղում, spinal cord-ում: Քո հիմնական հույզերը մուտք են գործում այստեղ և պետք է շրջեն ուղեղի առաջնային հատվածում, նախքան դու կարողանում ես բանականորեն մտածել քո փորձառության մասին: Այնուամենայնիվ, սկզբում նրանք ճամփորդում են լիմբրիկ համակարգի միջով, այն վայրով, որտեղ գեներացվում են հույզերը: Այսպիսով, նախքան մեր բանական մտքի կենտրոնացումը, մենք ունենում ենք իրադարձությունների զգայական-հուզական ռեակցիա:
Հուզական բանականությունը պահանջում է ուղեղի հուզական և բանական կենտրոնների արդյունավետ հաղորդակցություն: Այն բանական և հուզական ուղեղների հավասարակշռությունն է:
Աղբյուրը՝ weforum.org
Թարգմանեց՝ Նարինե Գալստյանը